Ítrótta- og Rørsluvika

100 ferðir kring føroyska sjóvarmálan

Katrin á Neystabøð — Wed, 17 Jun 2026 22:48:50 +0000

The post 100 ferðir kring føroyska sjóvarmálan first appeared on Ítrótta- og Rørsluvika.

Ítrótta- og rørsluvikan 2026

Katrin á Neystabøð — Mon, 15 Jun 2026 18:38:27 +0000

ERU TIT VIÐ?

ÍSF, Heilsumálaráðið og Heilsustýrið bjóða øllum føroyingum til Føroya fyrstu ítrótta- og rørsluviku. Í døgunum frá 14. – 18. september fara vit at skapa røring á føroyskum arbeiðsplássum.

Øll kunnu vera við – arbeiðspláss, stovnar, skúlar og einstaklingar.

Endamálið er at fáa allar føroyingar at røra seg – í felag

At savna arbeiðspláss og borgarar í Føroyum um rørslu
At gera rørslu sjónliga
At styrkja trivnað, arbeiðsgleði, felagsskap og liðanda
At seta rørslu á dagsskrá sum eitt heilsufremjandi leiðslu- og mentanarátak

Soleiðis eru tit við:

Tit skráseta tykkum her á heimasíðuni, so eru tit við. Eftir summarsteðgin fáa tit hugskotum til vikuna, og ígjøgnum ítrótta- og rørsluvikuna kunnu tit so skráseta alla rørslu, sum tit gera í hesi viku.

Tað er ÍSF sum hevur tikið stig til hesa Ítrótta- og rørsluvikuna, og vikan verður skipað í samstarvi við Heilsumálaráðið og Heilsustýrið.

Fólkaheilsuráðstevna

Sum ein part av Ítrótta- og rørsluvikuni skipa Heilsumálaráðið og Heilsustýrið saman við ÍSF fyri eini fólkaheilsuráðstevnu, har dentur verður lagdur á rørslu sum heilsufremjandi átak á arbeiðsplássum.

The post Ítrótta- og rørsluvikan 2026 first appeared on Ítrótta- og Rørsluvika.

Fólkaheilsuráðstevnan “Rørsla á arbeiðsplássinum”

Katrin á Neystabøð — Thu, 04 Jun 2026 11:44:54 +0000

ERU TIT VIÐ?

- 9. september 2026

- Frá kl. 09.00 – 15.00

- Kongshøll, Vestara Bryggja 15, Tórshavn

- Ókeypis

Fólkaheilsuráðstevnan “Rørsla á arbeiðsplássinum” leggur dent á rørslu sum natúrligan part av arbeiðsdegnum, og hvussu heilsa kann sameinast við høvuðsuppgávuna á arbeiðsplássinum. Fyrilestrarnir vísa m.a. á, hvussu starvsfólk kunnu fáa betri heilsu, tá tey eru til arbeiðis, tí arbeiðið í sjálvum sær er skipað á ein hátt, sum gagnar heilsuni.

Endamál

- At savna arbeiðspláss og borgarar í Føroyum um rørslu

- At fáa leiðslur at seta rørslu á dagskrá sum heilsufremjandi leiðsluátak

- Hetta skal vera ein felags íløga í menniskju og okkara samfelag

Málbólkur

- Leiðarar – í privatu vinnuni

- Leiðarar – í almenna geiranum

- Fólk við starvsfólkaábyrgd (HR starvsfólk)

- Starvsfólkaumboð og trygdarumboð

- Álitisfólk

- Nevndarlimir

- Og annars øll starvsfólk sum vilja ganga á odda!

Skrá

Vælkomin, Eyðdis Hartmann Niclasen, landsstýriskvinna í heilsu- og orkumálum
Heilsustøðan í Føroyum, Heilsustýrið
Likamlig og sálarlig heilsa á arbeiðsplássinum, Peter Qvortrup Geisling, sjónvarpslækni
Rørsla, heilsa og arbeiðsumhvørvi – við støði í føroyskum kanningum, Rúni Bláfoss, Det Nationale Forskningscenter for Arbejdsmiljø
Sundhedsmiljø – hvordan skabes sundhed gennem arbejdet?, Trine Fuhr Nielsen, Det Nationale Forskningscenter for Arbejdsmiljø
Fá tær eitt rørsluábit – hvussu kann mann venja munadygt á arbeiðsplássinum?, Magni Mohr, Fróðskaparsetur Føroya
Ítrótta- og rørsluvika 2026, ÍSF
Orðaskifti

Skráin verður dagførd, tá ráðstevnan nærkast.

Tilmelding:

Add Your Heading Text Here

The post Fólkaheilsuráðstevnan “Rørsla á arbeiðsplássinum” first appeared on Ítrótta- og Rørsluvika.

Einfaldar venjingar – lættar at fara í gongd við

esa — Fri, 24 Apr 2026 13:49:51 +0000

Tit hava ikki tørv á útgerð ella nógvari fyrireiking. Her eru nakrar einfaldar venjingar, sum kunnu gerast á arbeiðsplássinum – einsamøll ella saman.

Plankan

Styrkir búk og rygg.

Soleiðis gera tit:

Leggið tykkum á gólvið við albogunum undir herðunum
Haldið kroppin beinan frá herðum til hælar
Spennið búkin og haldið støðuna

Haldið í 20–60 sekund
Endurtakið 2–3 ferðir

Sprint á staðnum

Fær pulsin upp skjótt.

Soleiðis gera tit:

Rennið á staðnum
Lyft knøini væl upp
Brúkið armarnar aktivt

20–30 sekund í senn
Endurtakið 3–5 ferðir

Trappuvenjing

Góð fyri bein og konditión.

Soleiðis gera tit:

Gangið ella rennið upp og niður trappur
Haldið eitt støðugt tempo

5–10 minuttir

Kann lætt gerast sum ein aktivur steðgur í arbeiðsdegnum

Kollega-stafett

Rørsla og felagsskapur í senn.

Soleiðis gera tit:

Býtið tykkum í smá lið
Ein rennur ella gongur eitt strekki (t.d. runt um bygningin)
Næsti heldur fram

10–20 minuttir

Ger tað stuttligt – og eggið hvørjum øðrum

Rørsla runt borðið

Ein skjót aktiv pausa.

Soleiðis gera tit:

Reisist frá skriviborðinum
Gerið t.d.:
- 10 squats
- 10 hopp
- eitt lítið umfar runt borðið

2–5 minuttir

Perfekt sum ein lítil “rørslupausa” í degnum

Gott ráð

Byrjið í tí smáa – tað týdningarmesta er at koma í gongd.
Gerið tað saman, og gerið tað regluliga.

Allar minuttir telja!

The post Einfaldar venjingar – lættar at fara í gongd við first appeared on Ítrótta- og Rørsluvika.